Goranboyda “1 iyun - Uşaqların Beynəlxalq Müdafiəsi günü” qeyd olundu

01 iyun 2021 | 16:00

01 iyun 2020-ci il tarixdə Goranboy rayon İcra Hakimiyyətinin təşkilatçılığı ilə Heydər Əliyev parkında “1 İyun–Uşaqların Beynəlxalq Müdafiəsi Günü”nə həsr olunmuş tədbir keçirildi.
Tədbirdə Goranboy rayon İcra Hakimiyyəti başçısı Məhərrəm Quliyev, Milli Məclisin deputatı Anar Məmmədov, məktəbəqədər təhsil müəssisələrinin müəllim və şagird kollektivi, valideynlər iştirak edib.
Goranboy rayon İcra Hakimiyyətinin başçısı Məhərrəm Quliyev və Milli Məclisin deputatı Anar Məmmədov “1 İyun – Uşaqların Beynəlxalq Müdafiəsi Günü” münasibəti ilə uşaqları təbrik etdilər və onlara göstərilən diqqət və qayğıdan danışdılar.
Azərbaycanda uşaq problemləri hər zaman diqqət mərkəzindədir. Ulu Öndər Heydər Əliyev uşaqlara dövlət səviyyəsində qayğını həmişə diqqət mərkəzində saxlayırdı. Bu gün həmin siyasət Möhtərəm Prezidentimiz cənab İlham Əliyev və Birinci vitse-prezident Mehriban xanım Əliyeva tərəfindən uğurla davam etdirilir. Respublikamızın hər yerində olduğu kimi rayonumuzda da bu sahəyə xüsusi diqqət yetirilir, Uşaqlarımızın normal yaşaması, onların təhsili, sağlamlığı, əyləncəsini təşkil etmək üçün müxtəlif tədbirlər həyata keçirilir.
Uşaqları təbrik edən icra başçısı Məhərrəm Quliyev və Milli Məclisin deputatı Anar Məmmədov onlara gələcək işlərində uğurlar dilədilər. Tədbirdə, istedadlı uşaqların ifasında konsert proqramları və rəqslər nümayiş etdirildi.

Keçidlər